4 اسباب جعلت من مسلسل “جمال الحريم ” مسلسل رعب مصرى حقيقى

بيعرض حاليا مسلسل جمال الحريم علي قناة dmc والمسلسل حقق نجاح كبير جدا عشان كدا هنتكلم عن اسباب النجاح دا

وهنتكلم عن 4 حاجات كانت سبب فى تميز مسلسل جمال الحريم

 

قصه المسلسل

لغايه دلوقتي قصه مسلسل جمال الحريم حلوة جداً على الرغم من ان دا اول عمل تكتبه سوسن عامر بس لحد دلوقتي هي متحكمة كويس جداً في قصه المسلسل

واللى بتدور احداثه عن المذيعه نور اللي بيحصلها امور مرعبه وبتسمع كمان أصوات غريبه وخلال أحداث المسلسل بتحاول نور تعرف ايه السر وراء الأمور

المرعبه دي.

وكان افضل حاجة في قصه المسلسل هي ترابط الأحداث .

كمان احنا هنشوف مسلسل جمال الحريم بيحكي في عصرين مختلفين جداً لكن الميزه  ان سوسن عامر قادرة انها تربط العصرين مع بعض

 

الاخراج

المخرجه منال الصيفي بذلت مجهود كبير فى الاخراج 

مثلا بتحاول أنها تجيب كل مشهد من المسلسل بشكل مختلف او بزوايه مختلفه عشان ترعب المشاهد وتخليه قلقان وهو بيشوف الحلقه ودي

كانت ميزه كبيرة جداً في المسلسل

 

الأداء التمثيلي

فى البدايه هنتكلم عن البطلة  نور بعد اول 13 حلقه عاملة اداء عالي جداً خصوصاً في تعبيرات وشها في مشاهد الرعب

الفنانة نور بتلعب في المسلسل شخصيتن شخصية في العصر الحالي اللي هو بتاعنا وشخصية تانيه في عالم تاني خالص وكانت مبدعة فى الدورين 

كمان  الفنانه دينا فؤاد اللى بزلت مجهود كبير جدا وخصوصآ في المشاهد اللي بتحضر فيها الجن وبتكون ممتازة

الرعب

مسلسل جمال الحريم حتى الان نقدر نقول أنه مسلسل رعب مصري حقيقي بجد

في حاجات كتيره تخليك مرعوب وانت بتشوف المسلسل زي مثلا مشاهد تحضير الجن او مثلا المشاهد اللي فيها تعابين و فيها موسيقي عالية كل الكلام دا يخليك تبقي

قاعد مشدود وانت بتشوف المسلسل

مسلسل جمال الحريم من بطوله نور و دينا فؤاد و خالد سليم و حازم سمير و فارس سعيد وعدد كبير من النجوم التانية

المسلسل من تأليف سوسن عامر واخراج منال الصيفي

لتفاصيل اكتر شوف الفيديو

اترك رد

لن يتم نشر عنوان بريدك الإلكتروني.