وصول النجم العالمي مينا مسعود للقاهرة لبدء تصوير فيلمه الجديد « في عز الضهر»

وصل خلال الساعات اللي فاتت النجم مينا مسعود للقاهرة عشان يبدأ تصوير المشاهد الأولي من فيلمه الجديد «في عز الضهر»

فيلم في عز الضهر هيكون البطولة المطلقه الأولي للنجم العالمي مينا مسعود في السينما المصرية

وطبعا مينا حقق نجاح كبير جداً في بطولة فيلم Aladdin مع النجم will Smith سنه 2019

 

قصة الفيلم

فيلم في عز الضهر هتدور أحداث في جو من الأكشن و الساسبنس عن مجرم دولي ارتكب عدد كبير من الجرائم

 

ابطال الفيلم

الفيلم هيكون من بطوله مينا مسعود بيشارك معاه في البطولة

محمود حجازي واللي هيلعب دور مدير أعمال مينا مسعود و الفنانة هنا الزاهد واللي بردو هتلعب دور مديره أعمال مينا

والفنان محمد عز واللي هيلعب دور ظابط هيحاول خلال أحداث الفيلم أنه يقبض علي مينا مسعود

وانضم كمان لبطولة الفيلم الفنانة ميرنا نور الدين واللي هتلعب دور حبيبت مينا والفنان محمد علي رزق و الفنان الكبير إيهاب فهمي

 

والفيلم هيكون من تأليف كريم سرور في أول تجربه تأليف

والفيلم هيكون للمخرج الشاب مرقس عادل واللي أخرج مسلسل فرصه تانية للنجمة ياسمين صبري

وكمان فيلم بث مباشر و فيلم الرجل الأخطر واللي كانوا من بطولة سامح حسين

 

تصريحات مينا

و أتكلم مينا عن الفيلم وقال أن خلال الأيام الجاية هيكون في مؤتمر صحفي عشان يتكلم عن تفاصيل الفيلم

وخلال الأيام اللي فاتت نزل مينا البوستر التشويقي لفيلم في عز الضهر وقال صيف 2021

الفيلم من المقرر تصويره في مصر وكمان عدد من الدول الأوربية

اترك رد

لن يتم نشر عنوان بريدك الإلكتروني.