هل الزعيم عادل امام هيرجع للسينما بفيلم جديد فى 2021 ؟

فى الايام اللى فاتت انتشر اخبار كتير بتقول ان الزعيم عادل امام اتعاقد علي فيلم كوميدي اجتماعي هيكون من اخراج ابنه المخرج رامي امام دا علي حسب كلام جريده الدستور.

الكلام دا انتشر بعد لما الزعيم عادل امام قال انه مش هيعمل اي عمل درامي في رمضان 2021 عشان عايز ياخد اجازه ويقعد مع اسرته .

بس حقيقه الموضوع ان الزعيم عادل امام متعاقدش علي اي فيلم خلال الايام دي وقال انه مش هيعمل اي عمل في الوقت دا .

وكان اخر فيلم للزعيم عادل امام هو فيلم “زهايمر” واللى اتعرض سنه 2010 وشارك معاه النجم سعيد صالح رحمه الله عليه

وحاليا المخرج رامي امام بيحضر فيلم جديد بعنوان الدعوه عامه وهيكون فيلم كوميدي اجتماعي بس للاسف مش هيبقي من بطوله الزعيم عادل امام . وخلال الايام الجايه هيتم اختيار الابطال وكل تفاصيل الفيلم .

اما عن مشروع فيلم الواد وابوه للزعيم عادل امام وابنه محمد امام حاليا المشروع متوقف بسبب انشغال محمد امام بمسلسل النمر بس الفيلم هيرجع يتحضرله من تاني في اواخر 2021 انشاء الله .

اترك رد

لن يتم نشر عنوان بريدك الإلكتروني.