محمد رمضان يطرح كليب جديد بعنوان “مصباح علاء الدين “

بيستعد النجم محمد رمضان لطرح اغنيته الجديدة مصباح علاء الدين ومن المتوقع اننا نشوف الأغنيه في ليله راس السنه

 

أغنيه مصباح علاء الدين هتجمع بين محمد رمضان و المغني السوري محمد جنيد

ونشر محمد رمضان مقطع من الأغنيه علي قناته علي اليوتيوب وكتب قريبا اغنيه مصباح علاء الدين

الأغنيه هتكون كلمات احمد المالكي و ألحان محمد يحيي وتوزيع جلال حمداوي

 

واتكلم محمد رمضان عن أغنيه مصباح علاء الدين وقال انه بيحب الأغنيه دي جداً لانها بتتكلم عن الطموح و رحله الكفاح

وقال كمان أن الأغنيه انشاء الله تعجب الجمهور وتكسر الدنيا كلها

 

 كمان محمد رمضان بيجهز أغنيه جديده بينه وبين الفنان العراقي سيف نبيل ودا هيكون اول تعاون بينهم

 

اما عن اخر التطورات في قضيه محمد رمضان .

 

عرفنا رمضان اتحقق معاه خلال الفتره اللي فاتت ودلوقتي رمضان مستني نتيجه التحقيق اللي ممكن تاخد وقت

وطبعا كلنا عارفين ان محمد رمضان وقف عن التمثيل بسبب الصور اللي انتشر ليه مع الاشخاص الإسرائيليه

 

وطبعا كان المفروض دلوقتي محمد رمضان يصور مسلسل موسي لكن المسلسل اتوقف

بس لما نتيجه التحقيق تظهر ونشوف هل هيكون فيه صلح ويرجع محمد رمضان للتمثيل مره تانيه ولا لا هنعرف خلال الفتره الجايه

اترك رد

لن يتم نشر عنوان بريدك الإلكتروني.