قصص رعب حقيقية .. عفاريت دينا فؤاد تطارد نور فى مسلسل “جمال الحريم “

طرحت شركه سينرجى برومو مسلسل جمال الحريم  وبعد نزول البرومو حصل تفاعل كبير جدا معاه لانه كان  مسيطر عليه حاله  من الرعب والتشويق  والاثاره

كمان ظهر فى البرومو اكتر من حاجه مرعبه  بتبين لينا ان العمل دا مختلف مثلا ظهر ثعابين وأفاعى وعقارب .

 وشوفنا كمان فى  البرومو ان بطله المسلسل نور بيتم مطاردتها من عفريته واللي بتقوم بدورها دينا فواد اللى بتعمل دور مختلف جدا جدا وتلعب دور فتاة ملبوسه .

ومسلسل جمال الحريم مستوحى من قصه حقيقيه وبتدور احداثه عن مذيعه اخبار و اللي بتلعب دورها نور وهي بتتعرض لمشاكل ومطاره من الجن والعفاريت لسبب معين هنعرفه ان شاء الله لما نتفرج المسلسل

المسلسل من اخراج منال الصيفي ومن تاليف سوسن عامر .

ابطال المسلسل :

اما عن الابطال مسلسل جمال الحريم هيكون من بطوله نور و خالد سليم ودينا فواد و فراس سعيد و اسلام جمال و حازم سمير .

وهيكون موجود عدد من ضيوف الشرف من اهمهم الفنان الكبير صلاح عبد الله اللى ظهر فى صورة شيخ وشعره ابيض ولابس جلبيه بيضا وكمان بيضحك ضحكات غريبه جدا .

مسلسل جمال الحريم بينتمي لنوعيه ال45 حلقه زي باقي المسلسلات الي بتنزل في الموسم الشتوي ودلوقتي صناع المسلسل بيصوروا المشاهد الاخيره بعد توقف التصوير كذا مره بسبب فيرس كورونا

وفي حوار مع الفنان خالد سليم اتكلم عن دوره وقال انه سعيد جدا جدا عشان هيشارك في المسلسل وقال انه هيلعب دور شاب غني جدا بس بتحصل شويه مشاكل بينه وبين اهله عشان كده بيمشي وبيسيبهم وبيعيش لوحده لغايه لما بتحصله امور مرعبه  . وقال كمان انه سعيد جدا عشان رجع يشتغل  تاني مع نور بعد فيلم سنه اولي نصب الي اتعرض في 2004

واتكلمت بردو دينا فواد عن دورها وقالت انها بتلعب دور عفريته بس هيكون مفاجأه كبيره جدا لجمهور ودا فعلا الي حصل لان لما برومو المسلسل نزل وشوفنا اداء دينا فؤاد كل الناس عجبها جدا دورها وقالوا انه فعلا دور مختلف.

معاد عرض المسلسل .

المسلسل هيبدا عرضه يوم الاحد علي قناه mbc 4 وهيكون الساعه 9

لمعلومات اكتر عن مسلسل جمال الحريم شوف الفيديو

اترك رد

لن يتم نشر عنوان بريدك الإلكتروني.