مراجعه فيلم الرعب خان تيولا

بيحكي فيلم خان تيولا عن الفنان التشكيلي مراد داود النزيل الجديد في فندق خان تيولا الي اتبني خلال احداث الحرب العالمية الثانية وصاحبه الفنان محمود  البزاوي و مراته الفنانه وفاء عامر وابنه الفنان علي الشجيري وبنته الفنانه زهره الحاروفي

وبتبدا الاحداث لما بيدخل مراد داود الفندق بيبدأ يحس بأحداث مرعبه وكل الكلام دا في جو من التشويق والاثاره والرعب

فيلم خان تيولا من بطوله نضال الشافعي و محمود البزاوي و احمد كمال و وفاء عامر والفنان العراقي علي الشجيري و زهره الحاروفي العمل من تاليف واخراج وسام المدني في اول تجربه تاليف واخراج ليه

ونقدر نقول ان فيلم خان تيولا فيه مميزات كتيره جدا اول ميزه كده انت هتشوفها

الاخراج وسام المدني عمل اخراج مبدع جدا سواء في زوايا الكاميرا الكويسه جدا او المواقف الي فيها تشويق واثاره واتعملت بشكل حلو جدا جدا خصوصا نهايه الفيلم

تاني ميزه هتشوفها الاداء التمثيلي وكان ابرزهم الفنان الكبير احمد كمال الي لعب دور شيطان بشكل محترف جدا جدا وهتشوف الكلام دا من خلال تعبيرات وشه او عينه ويعتبر احمد كمال كان شايل الفيلم كله و بردو الفنان محمود البزاوي عمل دور حلو جدا جدا وكان لايق على الدور قوي

باقي كاست العمل كلهم كانوا مبدعين سواء نضال الشافعي او وفاء عامر او الممثل العراقي علي الشجيري الي عمل دور حلو جدا

تاني ميزه هتشوفها في الفيلم ديكور الفيلم لانه كان فيه شغل ومجهود كبير وهتشوف الكلام دا في ديكور الفندق الي كان مرعب بجد

لو جيت تكلم عن الرعب مقدرش اقلك فيلم خان تيولا فيلم رعب درجه اولي لا هو فيلم رعب نفسي يعني يخليك متشوق جدا لاحداث الفيلم وعايز تعرف ايه هو سر الفندق دا

نص الفيلم الاولانى كان كويس خصوصا المشهد الافتتاحي لفيلم والي كان كويس جدا و دخلني علطول في الفيلم

نهايه الفيلم كانت نهايه عبقرية وحلوه ومش متوقعه خلاص

لو حبينا نتكلم عن السلبيات الي كانت قليله جدا ممكن نتكلم عن الموسيقي التصويريه الي للاسف كانت غير موفقه وكانت وحشه جدا

غير كده يعتبر فيلم خان تيولا من افضل الافلام المصريه الي في 2020

تقيم يلا سينما لفيلم خان تيولا هو 10\7.5

للمزيد شاهد الفيديو

اترك رد

لن يتم نشر عنوان بريدك الإلكتروني.