فيلم السرب .. احمد السقا يتحدى الجميع فى فيلم مخابراتى جديد

ابتدا النجم احمد السقا تصوير مشاهده الاولي من فيلمه الجديد السرب دا بعد ما اتبنى ديكور شبيه بمبنى المخابرات العامه المصريه
لان الفيلم هيتناول قصة واحد من ملفات المخابرات
والفيلم هتدور احداثه في جو من الاكشن والساسبنس عن ظابط مخابرات الي هيلعب دوره احمد السقا وهيحاول انه ينقذ مواطن موجود في ليبيا وبتدور الاحداث فى جو تشويقي
فيلم السرب هيتم تصويره في مصر وكمان هيبقي فيه مشاهد فى دول خارجية
اما بالنسبه للابطال الفيلم هيكون من بطوله احمد السقا والنجمه هند صبري والفنان قصي الخولي في اول تعاون بينه وبين احمد السقا وانضم كمان مجموعه من النجوم زي النجم شريف منير والفنان دياب
وهيكون معانا عدد من ضيوف الشرف اهمهم النجم كريم فهمي والنجم احمد حاتم الي ظهروا و لاول مره من غير دقن عشان ادوارهم الي في الفيلم
الفيلم هيكون من تاليف عمرو عبد الحميد
ومن اخراج احمد نادر جلال
الفيلم هيتم تصوير فيه المشاهد الاولي وبعد كده هيتوقف التصوير بسبب انشغال المخرج احمد نادر جلال بمسلسل كوفيد 25 وكمان انشغال احمد السقا بمسلسل نسل الاغراب الي هيتعرض انشاء الله في رمضان الي جاي
اما عن معاد فيلم السرب في السينمات فا الفيلم مقرر نزوله في موسم عيد الاضحي الي جاي عشان يبقي كده السقا هيشارك بفيلم العنكبوت في عيد الفطر وفيلم السرب الي هيتعرض في موسم عيد الاضحي انشاء الله
لتفاصيل اكتر عن فيلم السرب شوفوا الفيديو دا

اترك رد

لن يتم نشر عنوان بريدك الإلكتروني.