عندما قالت ام كلثوم لعبد الحليم حافظ “تعالى نهق لنا شويه ” مواقف كوميدية فى حياة الست

مواقف كتير حصلت للست ام كلثوم كان بتبين خفه دمها واد ايه هى كانت بتطلق القفشات والدعابات الخفيفه مع اصدقائها وكل احبابها عشان كدا كان بيطلق عليها وقتها  “سيدة الدعابات والقفشات”
لدرجه ان الكاتب على امين قال عنها لو توقفت ام كلثوم عن قفشاتها فساعتها هتكون قد توقفت عن الغناء عشان كدا هنحكى اشهر الطرائف والمواقف اللى كانت بطلتها كوكب الشرق ام كلثوم مع اصدقائها وكمان مع جمهورها .
الموقف الاول : وهى بتزور واحد من اعضاء فرقتها الموسيقيه والراجل كان تعبان جدا جدا وراحت عشان تزوره وتخفف عنه واول مالراجل شافها قالها انا تعبان اوى اوي ياست . فردت الست عليه وهى حطه ايديها على دماغه وقالتله ” شد حيلك ياراجل بكره ان شاء الله هتخف وتروح الجنه علطول ”
الموقف التانى : كان فى حفله واللى كانت على شرف واحد من رجال القانون ، وبعد ما خلصت الست وصلتها الغنائية، الكل بدا يرقص على الموسيقى الهاديه .. جه شاب وطلب من ام كلثوم وقالها ممكن ترقصى معايا ردت عليه وقالتله لا طبعا عشان  “حرقص الجلسة “

موقف تانى حصل للام كلثوم واسماعيل ياسين لما اتقابلوا فى صيدليه فى اسكندريه لما كانت الست فى زياره لمدينه الاسكندريه وكان معاها الشاعر أحمد رامي والملحن رياض السنباطي . وحصل ان ام كلثوم دخلت الصيدليه واتفاجات باسماعيل يس بالصدفه كان واقف جنب الميزان دا خلى الست تساله وبكل عفويه وزنك اد ايه يااسماعيل فرد عليها وهو بيضحك “زي الفل 78 كيلو فقط لا غير”.
دا خلى كوكب الشرق تندهش جدا وردت عليه وقالتله ” مش معقول يا اسماعيل اكيد اتوزنت من غير بقك ” الرد دا خلى كل الموجودين فى الصيدليه يضحكوا جدا دا خلى اسماعيل يفكر اسماعيل يس انه ازاى يردلها الموقف فقالها انا عندى طلب ممكن توزنى نفسك والح عليها جدا بس هي رفضت رفض قاطع لانها طبعا عارفه ان اسماعيل زكى جدا وكان عايز يردلها المقلب .
ولما زاد رفض الست انها تتوزن لاحظ اسماعيل وقالها : أكيد سبتي صوتك في مصر وخايفة توزني نفسك من غيره”.. الكلام دا خلى الجميع انفجر من الضحك واولهم الست ام كلثوم                                                                                                                     وفى موقف تانى للفنان سيد مكاوى  وهو بيلحن اغنيه يامسهرنى وكانت الست طلبت منه انه يعدل اغنيه يامسهرنى وقالتله يعدل واحده من الجمل الموسيقيه فرد مكاوى عليها وقال  “اما نشوف ياست ” … فهزت ام كلثوم راسها وقالتله ” يبقى عمرك ماهتعدلها ياسيد  “وضحك سيد مكاوى لدرجه انه كان هيحصله حاجه من كتر الضحك
موقف تانى طريف جدا حصل للست بس فى نفس الوقت خلاها غضبت جدا ودا لما كانت بتغنى واحده من اجمل اغانيها فى الصعيد وفاجاه وقف واحد من الجمهور وفضل يقول “يا جاموس المغنى يا ست.. يا جاموس المغنى يا ست”،
الراجل كمان مكنش بيقولها بصوت عادى دا كمان كان بيقولها بحماس شديد جدا الست ام كلثوم سمعت الجمله وغضبت جدا وردت عليه وقالتله “جاموس ايه يراجل ياجحش انت ” كمان هددت ام كلثوم بانها هتقفل الستاره  وهتنزل من على المسرح بس اللى حل الموضوع والموقف ان فى واحد من فرقتها الموسيقيه راح للام كلثوم وقالها الراجل صعيدى اللهجه وهو ميقصدش انه يغلط فيكى بس هو يقصد يقول “يا قاموس المغنى ياست”، دا خلى ام كلثوم تفهم الموضوع وضحكت وطبعا مش هينفع تعدى الموضوع الا بقفشه من قفشاتها وقالتله ” اه بس فين العجول اللى تفهم ”
موقف تانى حصل فى منزل الكاتب الساخر جليل البندارى واللى كان بيعيش حياه غريبه جدا وكان بيته قصاد جنينه الحيوانات بالجيزه وكان مدخل شقته طويل عشان كدا كان مخليه متحف لنجوم الفن فكان موجود مجموعه من الحيوانات وفوق كل حيوان لوحه عليها اسم فنان مثلا
عبد الحليم حافظ (الحمار الوحشي المخطط)، ومحمد عبدالوهاب (الأسد ) وأم كلثوم (الكروان)، وهند رستم (سمكة القرش))
طبعا كل الحضور كانوا مندهشين جدا من الكلام دا لحد مجت عين عبد الحليم حافظ على اسمه اللى مكتوب فوق الحمار الوحشى  حليم غضب جدا وسأل “ماهذا ياستاذ ياجليل ” وقبل مينطق بكلمه واحده ردت ام كلثوم وقالت” إن سيماهم في وجوههم يا سي عبدالحليم ”
دا خلى كل الموجودين يموتوا على نفسهم من الضحك عبد الحليم زعل جدا وكان هيمشى بس ام كلثوم مسكته من دراعه وقالتله
“خلاص متزعلش كده.. تعالى بقى نهق لنا شوية”    … عبد الحليم مقدرش يمسك نفسه من كتر الضحك لدرجه انه وقع على الارض دا وسط تسقيف كل الموجودين .
.الموقف الاخير واللى حصل فى ليبيا سنه 1969 وكانت واقفه على المسرح وقررت انها تغنى بعيد عنك وبدات الفرقه فى عزف موسيقى البدايه
وبدات الست ام كلثوم فى الغناء وبدات باول كلمات الاغنيه وقالت «بعيد عنك حياتي عذاب، ماتبعدنيش بعيد عنك»، عشان يهيص الجمهور ويسقف بس واحد من الجمهور خالف الكل وقال لفظ بزيء من غير مناسبه ام كلثوم ميزت الهتاف دا جدا من وسط الجمهور ودا خلاها غضبت جدا وصرخت فى وشه وقالتله اخرس قليل الادب .
بس فى الحقيقه اهل ليبيا فسروا الموضوع وقالوا  انه الرجل الليبى ميقصدش ابدا انه يغلط فى الست الراجل كان يقصد يطلب من الست انها تعيد المطقع مره تانيه واستخدم معنى مشابه لكلمه الست بس بلهجه اهل ليبيا عشان كدا الست فهمته غلط
رحمة الله على الست ام كلثوم

لتفاصيل اكتر شوفوا الفيديو 

اترك رد

لن يتم نشر عنوان بريدك الإلكتروني.