طرح البوستر الرسمي لفيلم “الشرابية” «كل التفاصيل»

 

طرح المؤلف محمود السنطي البوستر الرسمي لفيلم الشرابية

البوستر ضم العديد من النجوم زي الفنان علاء مرسي و الفنان الكبير لطفي لبيب

كمان الفنان عبد الله مشرف و راندا البحيري و سليمان عيد و المطربة آمينة ونجوم تانية كتير

الفيلم فكرة “علاء مرسي” سناريو وحوار “محمود السنطي” و هيكون للمخرج “معوض إسماعيل”

 

قصة الفيلم

فيلم الشرابية هتدور أحداثه في حي الشرابية عن ياسمين البنت الجميلة واللي هتلعب دورها راندا البحيري

وبيقع 3 رجال في حب ياسمين

الأول خرج من الشرابية للعمل وكمان لحياة جديدة

التاني موجود بالشرابية ومتمسك بها وسط أهله و الأصدقاء

أما التالت سلك في طريق الشر وبتكمل أحداث الفيلم

 

فيلم الشرابية تم الأنتهاء من تصويره وكمان عمليات المونتاج والمكساج

وخلال الأيام الجاية هيتم طرح البرومو الرسمي للفيلم

وكان في حوار مع الفنانة راندا البحيري

وقالت أن الفيلم فكرة جديدة ومختلفة 

وقالت كمان أنها وافقت علي الفيلم عشان بيقدمها بشكل جديد

الفيلم هيكون فيه اغنيتين للمطربة أمينة

الشرابية من المتوقع طرحه في آخر شهر يناير الجاري عشان ينافس في موسم اجازة نص السنة لعام 2021.

اترك رد

لن يتم نشر عنوان بريدك الإلكتروني.