طرح البوستر الاول لفيلم “30 مارس ” بطولة احمد الفيشاوي ودينا الشربينى

طرح صناع فيلم 30 مارس البوستر الرسمي للفيلم عشان يتم طرحه خلال الأيام الجايه في دور العرض السينمائي .

الفيلم بتدور احداثه في جو من التشويق والاثاره عن حادثه مفاجأة لما بتحصل بتقلب كل موازين الفيلم

اما عن ابطال الفيلم 

فيلم 30 مارس هيكون من بطوله احمد الفيشاوي و دينا الشربيني و خالد الصاوي و صبري فواز واحمد خالد صالح و محمد جمعه و محمد شاهين و اسماء ابو اليزيد

دا غير ضيوف الشرف اللي موجدين في الفيلم زي الفنانه انجي المقدم و نيلي كريم و وليد فواز

 

الفيلم من تأليف حميد المدني
ومن اخراج احمد خالد موسي اللي من اهم اعماله فيلم لص بغداد و مسلسل أبو عمر المصري و مسلسل الحصان الأسود

فيلم 30 مارس تم الإنتهاء من تصويره من فتره كبيره وكان المفروض ينزل علي منصه شاهد vip ولكن في اخر اللحظات قرر منتج الفيلم انه ينزل في السينما

واتكلم الفنان خالد الصاوي عن الفيلم وقال ان الفيلم هيكون مفاجأة كبيره للجمهور بسبب قصه الفيلم الحلوه جدا

واتكلم بردو الفنان احمد الفيشاوي عن الفيلم وقال انه هيلعب دور فرج الشخص اللي كان غني جدا ولكن في يوم من الأيام بيلاقي نفسه فقير عشان كدا بيشتغل سواق علي عربيته الخاصه عشان يقدر يجيب اكله ومصاريفه  وبتسكن جمبه دينا الشربيني اللي بتقف جمبه في مشاكله

وكمان بردو المخرج احمد خالد موسي اتكلم عن الفيلم وقال ان الفنانه نيلي كريم هتظهر خلال احداث الفيلم كاضيفه شرف وهتكون اول كلمه ليها مفاجأة كبيره للجمهور

من المتوقع طرح فيلم 30 مارس في موسم اجازه نصف العام 2021.

اترك رد

لن يتم نشر عنوان بريدك الإلكتروني.