ضحك للركب .. ملخص برومو مسلسل اللعبة الجزء الثاني “ليڤل الوحش”

 

طرحت شاهد vip الاعلان الرسمي لمسلسل اللعبة الجزء الثاني واللي هيكون بعنوان «ليڤل الوحش»

وطبعا بعد النجاح الكبير جداً اللي حققه الجزء الأول خصوصآ لما نزل في رمضان اللي فات عمل تفاعل كبير بين الناس

عشان كدا قرروا صناعه يعملوا جزء تاني من المسلسل

الأعلان ظهر في مواقف كوميدية كتيرة جداً بين مازو و وسيم

وطبعا هنشوف بقي تحديات كتيرة بينهم ومقالب زي الجزء الأول بالظبط

ظهر كمان في الاعلان نجوم أول مرة يشاركوا في المسلسل زي النجمة “رانيا يوسف”

وكان مخرج المسلسل “معتز التوني”واللي هيكون ضيف شرف

وكمان النجم بيومي فؤاد واللي بردو هيكون ضيف شرف

 

كمان الاعلان موضح ان هيكون في تحدي بين مازو و وسيم علي رانيا يوسف

وهنشوف مين اللي هيكسب في الأخر…وتحديات تانية كتير

 

ابطال المسلسل

مسلسل اللعبة “لڤيل الوحش”من بطولة هشام ماجد وشيكو و مي كساب و رانيا يوسف

و محمد ثروت و ميرنا جميل و أحمد فتحي و سامي مغاوري

المسلسل من تأليف أحمد سعد والي و إبراهيم صابر و محمد صلاح خطاب

واشراف علي الكتابة:فادي أبو السعود  ومن إخراج «معتز التوني»

 

وكان في حوار صحفي مع شيكو وقال أن الجزء التاني هيكون أقوي من الجزء الأول في الكوميديا و التحديات

وكان دايما بطال المسلسل بينشروا كواليس التصوير آخرهم النجمة رانيا يوسف لما نشرت فيديو من الكواليس

وهي في شكل  Cat woman  والفيديو عمل تفاعل كبير

 

ميعاد العرض

أما عن ميعاد مسلسل اللعبة “ليڤل الوحش”

قررت شاهد vip طرح المسلسل يوم 24 يناير

وطبعا المسلسل هيكون من 30 حلقة زي الجزء الأول بالظبط

 

اترك رد

لن يتم نشر عنوان بريدك الإلكتروني.