“شلة ليبون ” فيلم ضخم جديد بيضم السقا وعز وماجد الكدوانى وسر اعتذار كريم عبد العزيز

في مفاجأة كبيره اعلن المنتج وليد مصطفي انه اشتري حقوق روايه شلة ليبون اللي نزلت في الشهور اللي فاتت للكاتب هشام الخشن عشان تتحول لفيلم سينمائي ضخم .

اما عن قصه فيلم شله ليبون

بتدور الاحداث عن 7 اصدقاء بتجمعهم صداقه كبيره جدا وهما اصدقاء من حوالي 30 سنه وعرفوا بعض لما كانوا سوا في مدرسة شهيره في الزمالك .

وفي ليله راس السنه 2010 الاصدقاء دول شدتهم لعبه عشان يلعبوها و يكسبوا جايزه كبيره ولما بيلعبوا اللعبه دي بنبدا نعرف شخصيه كل واحد وكمان بنتعرف على اسراره و بتكمل الاحداث في جو من الدراما والاثارة

فيلم شله ليبون هيكون من اخراج ساندرا نشات اللي عملت افلام مميزة جدا زي المصلحه ومسجون ترانزيت و حراميه في كجي 2 وغيرها من الاعمال

فيلم شله ليبون مأخوذ عن روايه شله ليبون للكاتب هشام الخش بس المعالجة السينمائيه هتكون للمؤلف تامر حبيب

اما عن ابطال الفيلم:

هيكونوا النجم احمد السقا و النجم احمد عز في  تاني تعاون بينهم وبين المخرجه ساندرا نشات بعد فيلم المصلحه

وهيكون معانا كمان النجمه غاده عادل ومنه شلبي و الفنانه روبي .

الفيلم كان بيواجه مشكله في اختيار البطل التالت مع السقا وعز بعد اعتذار النجم كريم عبد العزيز عن الفيلم بسبب انشغاله بمسلسل الاختيار بس بعد كده تم اختيار جوكر السينما المصريه ماجد الكدواني .

فيلم شله لييون من المقرر تصوير المشاهد الاولي خلال الاسابيع الجايه بعد اختيار باقي ابطال الفيلم

ومن المتوقع اننا نشوف فيلم شله ليبون في عيد الأضحى 2021

لتفاصيل اكتر شوف الفيديو

اترك رد

لن يتم نشر عنوان بريدك الإلكتروني.