خالد الصاوي وباسم سمرة في فيلم رعب جديد بعنوان “ساعه شيطان”

ينتظر كل عشاق افلام الاثاره والتشويق طرح فيلم ساعه شيطان في السينمات .

الفيلم بدور احداثه في جو من الاثاره والتشويق عن لعبه ظهرت في روسيا بتتحكم في الاشخاص وفي عقلهم وهتكون سبب كبير في انتحار وقتل الاشخاص اللي بتلعبها

الفيلم تم الانتهاء من تصويره من فتره كبيره وكمان خلصوا عمليات المونتاج والمكساج بس الفيلم توقف اكتر من مره بسبب انشغال مخرجه بفيلم زنزانه ٧ .

اما بالنسبه للابطال فيلم ساعه شيطان

 باسم سمره و خالد الصاوي و محمد عز و مي القاضي و اسلام ابراهيم و احمد سلطان و مصطفي ابو سريع و نانسي صلاح

وهيظهر الفنان منذر ريحانة كضيف شرف خلال احداث الفيلم

الفيلم من تاليف احمد عثمان في اول تجاربة ومن اخراج ابرام نشات اللي من ابرز اعماله فيلم زنزانه 7 اللي تم طرحه في شهر 9 اللي فات .

وفي حوار صحفي مع الفنان باسم سمره :
اتكلم عن دوره في فيلم ساعه شيطان وقال انه بيلعب دور ممثل بتحصل ليه امور غريبه ومشاكل خلال الاحداث وقال كمان ان قصه الفيلم قصه حلوه جدا وفيها تشويق واثاره و رعب كتير جدا .
وقال بردو ان الفيلم مش هتدور احداثه عن لعبه الحوت الازرق بس هتدور احداثه عن لعبه شبها ظهرت في روسيا.

فيلم ساعه شيطان مقرر عرضه في موسم اجازه نصف العام 2021 وخلال الايام الجايه هيتم طرح الاعلان الاول

للفيلم و البوسترات الرسميه لابطال الفيلم

لمعلومات اكتر شوفوا الفيديو

اترك رد

لن يتم نشر عنوان بريدك الإلكتروني.