جملة تسببت فى الخلاف بين أم كلثوم و عبد الحليم حافظ و”كانت هتقضي عليه”

كتير مننا ميعرفش بتفاصيل المشكله اللى حصلت بين ام كلثوم وعبد الحليم واللى كانت فى حفل ذكري ثورة 23 يوليو سنه 1966 لما كانت ام كلثوم بتغنى على المسرح لانها كانت طلبت انها تبدا بالغناء بدل من عبد الحليم حافظ دا مع ان اهم المطربين فى الفتره دى هو  اللى كان بيختم الحفله

طلعت الست المسرح وفضلت موجوده وتغنى وكل دا عبد الحليم مستنى لحد مابقت الساعه 1:30 عشان كدا حس العندليب ان فى حاجه غلط وان ام كلثوم بدبرله حاجه  

عشان كدا لما دخل على المسرح والجمهور استقبله بترحاب كبير جدا بس قبل ميغنى حليم فكر انه يقول كلمه للجمهور عشان يعبر عن الغضب اللى جواه وقال

أنا مش عارف، إذا كان غنائى بعد السيدة أم كلثوم شرفا لى، أم مقلبا من أم كلثوم وعبد الوهاب ».

الكلام دا دايق كوكب الشرق جدا وبعد الكلام دا اتمنع العندليب انه يغني فى حفلات الثورة لمدة 3 سنين

وحاول حليم كتير انه يحل الموضوع بس من غير اى فايده والست طبعا رفضت المصالحه وكانت بترفض اى كلام  او اى حد يجيب سيرت عبد الحليم

لحد ماكانت الصدفه وجمعت حيلم وام كلثوم فى بيت الرئيس انور السادات لانهم كانوا معزومين على خطوبه بنته سنه 1970 وكان السادات نفسه جدا انه ييصالحهم

وفعلا عبد الحليم دخل الحفل ولما شاف ام كلثوم قرب منها وباس ايديها فبصتله الست وقالتله “انت عقلت ولا لسه”

وبالشكل دا خلص الخلاف بين حليم وام كلثوم بعد مااستمر للاكتر من 5 سنين

رحمة الله عليهم جميعا

شوف القصه بالكامل فى الفيديو

اترك رد

لن يتم نشر عنوان بريدك الإلكتروني.