جزء ثانى من مسلسل هند صبرى “عايزة اتجوز “على نتفليكس

في مفاجأة كبيره جدا لكل عشاق هند صبري  جزء تاني من مسلسل عايزه اتجوز بس هيكون بعنوان “عايزه اطلق”

وطبعا مسلسل عايزه اتجوز كان مسلسل كوميدي نزل في 2010 وحقق نجاح كبيرجدا وكان بتدور احداثه عن علا اللي نفسها تتجوز في اسرع وقت قبل ما قطر الجواز يفوتها

 

مسلسل عايزة اطلق هو نتاج تحويل كتاب عايزة اطلق للكاتبه دعاء حلمى لمسلسل تليفزيونى والكتاب عباره عن 13 قصه وكل قصه مستوحاة من الواقع

المسلسل معالجة درامية للمؤلف خالد جلال اللي ألف اعمال كوميديه جميله جدا زي فيلم ابو شنب و الانسه ماما و جوازه ميري وغيرها من الأعمال

عايزة اطلق من اخراج هادي الباجوري اللي من ابرز اعماله فيلم ورده و هيبتا

اما عن ابطال المسلسل

لغايه دلوقتي مفيش بس غير الفنانه الكبيره سوسن بدر اللي اتعاقدت علي المسلسل وطبعا هي كانت موجوده كمان في الجزء الاول وكانت بتلعب دور ام علاء وعملت نجاح كبير جدا في الشخصية دى

 

و خلال الأيام الجايه هيكون فيه جلسات بين هند صبري و المؤلف خالد جلال والمخرج هادي الباجوري عشان يتم اختيار ابطال المسلسل وكمان تفاصيل المسلسل واماكن التصوير

 

وقالت هند صبري ان الجزء التاني من المسلسل هيكون مختلف جدا عن الجزء الاول

المفاجأه بقي ان مسلسل عايزه اطلق هيكون من انتاج نتفليكس عشان كدا احنا متأكدين ان مسلسل عايزه اطلق هيكون فعلا شي مختلف وجديد

ومن المتوقع اننا نشوف المسلسل في اواخر 2021

لتفاصيل اكتر شوف الفيديو

اترك رد

لن يتم نشر عنوان بريدك الإلكتروني.