تفاصيل مثيرة عن المسلسل المخابراتى “هجمة مرتدة “ل احمد عز وهند صبرى | رمضان 2021

قرر احمد عز انه يرجع للدراما من تانى بمسلسل هجمه مرتده فى موسم رمضان 2021 وهو مسلسل مخابراتى هتدور احداثه فى جو من الاثاره والاكشن

مسلسل هجمه مرتده الي  بيميزه ان بيحكي عن قصه مخابراتيه حقيقه حصلت من قريب علي عكس الاعمال المخابراتيه الي بتظهر للنور بعد وقت كبير جدا زي مسلسل رافت الهجان وجمعه الشوان

قصه مسلسل هجمه مرتده هتدور في جو من الاكشن المخابراتي عن شاب بيشتغل في واحده من الدول العربيه والي هيقوم بدوره الفنان احمد عز وفي يوم من الايام بيتم محاوله تجينده من الموساد ولكن بيهرب عشان يروح للمخابرات المصريه عشان يتم تدريبه تحت اتنين ظابط وهما النجم نضال الشافعي والنجم هشام سليم عشان يقدر يواجه بعد كده اي خطر يقابله

وتوقف تصوير المشاهد الاخيره من مسلسل هجمه مرتده بسبب انشغال النجم احمد عز بمسرحيه علاء الدين الي هتستمر لمده 6 ايام وبعد كده هيرجع عز هو وطاقم العمل عشان يصوروا بعض من المشاهد الداخليه وبعد كده هيسافروا لدوله كرواتيا عشان يستكملوا تصوير المشاهد

المسلسل من تاليف باهر ديودار

واخراج احمد علاء الديب

المسلسل هيكون من بطوله احمد عز وهند صبري ونضال الشافعي وهشام سليم وماجده زكي وصلاح عبد الله و مايان السيد وخالد انور ومحمد جمعه و محمود البزاوي

وهيكون موجود عدد من ضيوف الشرف من اهمهم النجمه انجي المقدم

وفي حوار صحفي مع الفنان خالد انور قال ان سعيد جدا عشان اشتغل مع احمد عز وقال ان مسلسل هجمه مرتده هيأثر في الناس جدا والناس هتحب المسلسل

وبردو الفنان صلاح عبد الله اتكلم عن دوره في المسلسل وقال انه هيلعب دور والد احمد عز

مسلسل هجمه مرتده كواليسه كانت صعبه جدا وده حسب كلام الممثلين انهم لما كانوا بيصوروا في دوله صربيا كانت الشمس مش بتطلع خالص

المسلسل هيتعرض علي قناه on في رمضان 2021

لو عايز تعرف تفاصيل اكتر عن مسلسل هجمه مرتده شوف الفيديو ده

اترك رد

لن يتم نشر عنوان بريدك الإلكتروني.