تفاصيل فيلم الرعب “ريما” لمحمد ثروت والموعد النهائي لطرحه

بعد التاجيل للاكثر من مرة ينتظر صناع فيلم ريما نزول الفيلم في السينمات

فيلم ريما هو فيلم رعب بيدور احداثه عن ريما البنت اللي عندها قدرة علي معرفة الاشياء والاحداث من قبل ما تحصل عشان كدا الناس بتبدأ تخاف منها حتي كمان اهلها

وفي يوم من الايام ريما بتهرب من اهلها عشان تروح عند رجل اعمال ومراته اللي كانوا مش بيخلفوا وبتقعد ريما معاهم بس رجل الاعمال و مراته بيتعرضوا لمشاكل كتيره لكن ريما بتحاول تنقذهم وبتتطور الاحداث في جو من الرعب والاثاره والتشويق

فيلم ريما من تاليف احمد انور ومن اخراج معتز حسام

اما بالنسبه للابطال الفيلم

هو من بطوله محمد ثروت و مايا نصري و فراس سعيد و ايهاب فهمي و مها نصار و الطفله ريم عبد القادر
دا غير ضيوف الشرف اللي هيبقوا في الفيلم منهم هاله فاخر و احمد فتحي

فيلم ريما تم طرح البرومو الاول ليه من شهور وكان الاعلان عباره عن 50 ثانيه فيهم لقطات مرعبه و مشوقه من غير اي كلام بس في الايام الجايه هيتم طرح الاعلان الرسمي لفيلم

وقال منتج الفيلم ان تاخر فيلم ريما لغايه دلوقتي بسبب الموسيقي التصويريه اللي خدت وقت كبيره جدا عشان تطلع بالشكل المناسب وتكون مرعبه ولايقه علي احداث الفيلم

وكان محمد ثروت صرح عن انه اول لما قرا الدور رفضه علطول لان الدور شرير جدا عن مدمن ولما بيخرج من المصحه بيحاول انه ينتقم من صحابه و مراته 

بس بعد كده وافق محمد ثروت وقال مراتي هي اللي اقنعتني ان اعمل الدور في الفيلم

واعلن منتج فيلم ريما ان الفيلم رسميا بعد سلسله من التأجيلات هيكون موجود في السينمات يوم 23 ديسمبر

اترك رد

لن يتم نشر عنوان بريدك الإلكتروني.