“بقفزة وشعر ابيض وخوذه موتوسيكل ” اسر ياسين يعلن عودة فيلم الشايب

كلنا طبعا عارفين ان اسر ياسين ظهر في الجزء التاني من فيلم ولاد رزق كا ضيف شرف لما ظهر في اخر مشهد من الفيلم مع ابوه المعلم صقر الي بيقوم بدوره سيد رجب

وقال سيد للمعلم شربيني الي بيقوم بدوره الفنان محمد لطفي « دا ابني الشايب هنحتاجه الفتره الي جايه» ومشهد النهايه دا عمل ضجه كبيره بين الناس

واغلب الناس قالت « ان الجزء الثالث من فيلم ولاد رزق هيكون عظمه»    

         

بس  بعد كده في مفاجاه كبيره نشر الفنان اسر ياسين بوستر فيلم الشايب وعلق وقال قريبا  عشان الناس كلها تستغرب و يحصل حاله جدل بعد كده المؤلف صلاح الجهيني طلع وقال ان فيلم الشايب هيكون فيلم مستقل عن نفسه بس هيبقي جوه عالم ولاد رزق .

 

بس بعد كده مشروع الفيلم توقف دا بسبب عدم وجود ميزانيه كافيه للفيلم وكمان بسبب فيرس كورونا الي وقف كل حاجه

 

بس الفتره الي فاتت انتشرت اخبار ان فيلم ولاد رزق هيتم تحويله لمسلسل مكون من 8 حلقات وهيكون انتاج منصه عالميه بس في الاخر الكلام دا طلع اشاعات وقال النجم احمد عز انه ميعرفش الكلام ده وحتي لو حصل هو مش هيشارك

 

بس من ايام قليله جدا نشر الفنان اسر ياسين علي حسابه علي الانستجرام بوستر فيلم الشايب وكتب عليها soon عشان ياكد ان اخيرا فيلم الشايب رجع تاني وهيتعمل

وكمان لما ظهر الفنان اسر ياسين بلوك شخصيه الشايب في مهرجان القاهره السينمائي الدوره 42

 

وظهر اسر بشعر ابيض وماسك خوزه موتوسيكل فى ايده عشان ياكد اسر ياسين ان مشروع فيلم الشايب رجع تاني وهيكون موجود في السينمات في 2022

اما عن ابطال الفيلم  فهيكونوا اسر ياسين و سيد رجب ومحمد لطفي وعمرو عبد الجليل و محمد عبد الرحمن و سوسن بدر

 

والشايب من تاليف صلاح الجهيني ومن اخراج حسين المنباوي

وخلال الايام الجايه هيخلص المولف سيناريو الفيلم وبعد كده هيبدوا تصوير المشاهد الاولى من الفيلم

اترك رد

لن يتم نشر عنوان بريدك الإلكتروني.