بعد غياب عن السينما ٤ سنين ليلي علوي تعود للسينما بفيلم “ماما حامل”

بعد غياب ٤ سنين بترجع ليلي علوي للسينما من تاني بفيلم ماما حامل

وانطلق تصوير المشاهد الاولي من فيلم ماما حامل واللي بتدور احداثه في جو من الكوميديا العائلية عن اسره غنيه جدا بتتكون من الاب بيومي فؤاد و الام ليلي علوي و الأبناء حمدي الميرغني و محمد سلام  .
و العيله دي بتتعرض لكتير من الاحداث الكوميدية  .

فيلم ماما حامل من بطوله ليلي علوي و بيومي فواد و سامي مغاوري و هدي المفتي و حمدي الميرغني و محمد سلام و ويزو و نانسي صلاح و محمد ثروت
الفيلم هيكون من تاليف لؤي السيد ومن اخراج محمود كريم .

و اتكلم الفنان سامي مغاوري عن دوره في الفيلم وقال انا بعمل دور مدير بيت بيومي فؤاد وبيقول انه بيعمل جريمة في البيت وبعد كدا بيختفي تماما .
وقال بردو ان فيلم ماما حامل مكتوب كويس جدا وهيكون فيه مواقف كوميديه كتيرة جدا  .

وقالت الفنانه هدي مفتي عن فيلم ماما حامل ان الفيلم فيه احداث مليانه تفاصيل الاجتماعيه و كمان التفاصيل الكوميديه .

وقالت بردو انها سعيده جدا جدا عشان هتشتغل مع الفنانه الكبيره ليلي علوي  كمان اول ما شافت ورق فيلم ماما حامل وفقت علطول لان الورق كان حلو جدا

فيلم ماما حامل هيتم تصوير بالكامل في القاهره و مش هيبقي فيه اي مشاهد خارجيه لان المخرج محمود كريم قال ان الفيلم لايت كوميدي ومش محتاج اننا نصور مشاهد خارجية.

فيلم ماما حامل يعتبر هو عوده الفنانه الكبيرة ليلي علوي في السينما بعد غياب 4 سنين عن اخر افلامها فيلم الماء والخضره والوجه الحسن اللي اتعرض في 2016 وحقق نجاح كبير

فيلم ماما حامل هيكون موجود في السينمات في عيد الفطر 2021 ان شاء الله

اترك رد

لن يتم نشر عنوان بريدك الإلكتروني.