اهم 5 مسلسلات منتظرة بشدة فى رمضان 2021 … مين فيهم هيكون نمبر ؟؟

موسم رمضان السنه دي هيكون موسم مختلف جداً عن باقي المواسم اللي فاتت بسبب النجوم الكبار اللي نزلين في الموسم الرمضاني لسنة 2021

فى التقرير دا هنتعرف على اهم  واقوى 5 مسلسلات منتظرين بشدة فى رمضان 

 

1 – مسلسل نسل الاغراب

 

الكل متشوق انه يشوف المسلسل دا لانه من بطولة إتنين من أهم النجوم في مصر وهما احمد السقا وأمير كراره

المسلسل هتدور أحداثه عن القصص الاجتماعية في الصعيد وهو من تأليف واخراج محمد سامي

وهيكون من بطوله السقا و كراره و مي عمر و نجلاء بدر و محمد علاء و محمد جمعه و احمد داش و احمد مالك وعدد كبير من النجوم التانية

وتم الٱنتهاء من تصوير 30 ٪ من أحداث المسلسل

 

 

2 – مسلسل موسى

 

مسلسل موسي هتدور أحداثه عن رحلة صعود لشخص صعيدي هو شايل مسئولية أخواتة بعد موت أبوه

وفي يوم من الأيام بيسافر القاهرة عشان يشتغل وبعد كدا بيقع في حب بنت فرنسية وبتكمل الأحداث

مسلسل موسي من تأليف ناصر عبد الرحمن و إخراج محمد سلامة

المسلسل بيضم مجموعة من النجوم الكبار زي رياض الخولي و صبري فواز و سيمة الخشاب و سيد رجب

و هبه مجدي و منذر ريحانة و عبير صبري

 

 

3 – مسلسل الملك

 

 مسلسل الملك  من بطولة الفنان الموهوب عمرو يوسف وطبعا عمرو يوسف عمل لنفسه نجاح كبير الفتره الأخيره في الدراما المصريه

بعد مسلسلاته اللي حققت نجاح كبير بين الناس

مسلسل الملك هتدور أحداثه عن رحله الملك الفرعوني احمس الملقب بطارد الهكسوس

وهو ماخوذ عن رواية كفاح طيبة للكاتب الكبير والراحل نجيب محفوظ

مسلسل الملك من تأليف محمد و خالد و شيرين دياب ومن إخراج حسين المنباوي

المسلسل من بطولة ماجد المصري و محمد فراج و صبا مبارك و سوسن بدر و ريم مصطفي و باسل الزارو

 

4 – مسلسل كوفيد 25

 

مسلسل كوفيد 25 للعالمي يوسف الشريف واللى دايما كل أعماله بتكون مختلفة عن اي نجم تاني

عشان كدا يوسف الشريف بقي من اهم النجوم في الدراما الرمضانية

 

مسلسل كوفيد 25 هتدور أحداثه عن فيرس خطير هيظهر في سنه 2025 والفيرس دا هيدمر الأرض كلها

المسلسل هيكون من تأليف انجي علاء ومن إخراج احمد نادر جلال

وفي كلام أن مسلسل كوفيد 25 هيكون 15 حلقه بس خلال الفترة الجاية هنعرف كل التفاصيل

 

 

5 – مسلسل الاختيار 2

 

بعد النجاح الكبير اللي حققه الجزء الاول من مسلسل الاختيار لما نزل في رمضان اللي فات بيتم التحضير 

للجزء الثاني واللى هيكون من بطوله كريم عبد العزيز واحمد مكي واللي هما من أهم النجوم في مصر

مسلسل الاختيار 2 هيكون من تأليف هاني سرحان ومن إخراج بيتر ميمي

المسلسل هتدور أحداثه عن اعتصام رابعه العدويه واللي حصل في 2013 وبتكمل أحداث المسلسل

الاختيار 2 من بطوله محمد فراج و اياد نصار و انجي المقدم و هادي الباجوري و أسماء ابو اليزيد وغيرهم وغيرهم من النجوم الكبار

 

لتفاصيل اكتر شوف الفيديو

اترك رد

لن يتم نشر عنوان بريدك الإلكتروني.