اسباب تخليك لازم تتفرج على مسلسل ماوراء الطبيعة ونقطة ضعف قوية وحيدة

ضجة كبيره عملها مسلسل ماوراء الطبيعة دا بعد منزل على شبكة نتفلكس المسلسل فيه نقط قوه كتير واسباب تخليك لازم تتفرج عليه عشان كدا هنعرض بعض المعلومات عن المسلسل وبعض الاسباب اللى ادت لنجاحه وكمان هنتكلم عن نقطه الضعف الوحيده فى المسلسل

مسلسل ما وراء الطبيعه هو مسلسل مصري من انتاج شبكه نتفليكس من 6 حلقات ونزل يوم 5 نوفمبر

المسلسل ماخوذ من روايات تسمي بما وراء الطبيعه لكاتب الراحل احمد خالد التوفيق

المسلسل بتدور احداثه في جو من الرعب ودا حصل في فتره الستينات وبطلها الدكتور رفعت إسماعيل اللى بتحصله حاجات غريبه جدا بس هو مش مصدق ان في حاجه اسمها ما وراء الطبيعه ومع تطور الاحداث بنشوف هل دكتور رفعت إسماعيل هيصدق ان فيه حاجه اسمها ما وراء الطبيعه ولا لا

مسلسل ماوراء الطبيعه من اخراج عمرو سلامه وهو مخرج الحلقه الاولي و الخامسه والسادسه

وكمان المسلسل من اخراج المخرج ماجد الانصاري وهو مخرج الحلقه التانيه والتالته والرابعه

المسلسل من بطوله احمد امين و رزان جمال و ايه سماحه والطفله ريم عبد القادر و سما ابراهيم

مسلسل ما وراء الطبيعه يعتبر اول مسلسل مصري اصلى من انتاج شبكه نتفليكس

المسلسل يعتبر نقله جديده في مسلسلات الرعب المصريه

المسلسل فيه ايجابيات كتيره جدا زي الاخراج المميز لعمرو سلامه وكمان الاداء التمثيلي لاحمد امين في دور رفعت إسماعيل عشان كدا يعتبر مسلسل ما وراء الطبيعه من افضل اعماله لحد دلوقتى

كمان هتشوف في مسلسل ما وراء الطبيعه مواقف رعب كويسه جدا و لقطات تخضك حلوه جدا هتحس انك بتفرج علي مسلسل اجنبي رعب مش مصري عشان كده المسلسل حقق نجاح كبير جدا لدرجه انه دخله ضمن افضل 150 مسلسل في التاريخ

وكمان الموسيقه التصويريه لخالد الكمار الي عمل موسيقي عاليه جدا وكانت لايقه علي احداث المسلسل واحلي حاجه كانت في المسلسل ان كل حلقه فيه كانت بتشدك جدا وتخليك قاعد علي اعصابك

لو جينا نتكلم عن السلبيات اول سلبيه في المسلسل كانت الجرافيك الي اتعمل بشكل وحش جدا و كان ظاهر في شكل الجاثوم ويمكن اكتر حلقه من مسلسل ما وراء الطبيعه مكنتش قويه كانت الحلقه التالته الي كانت بعنوان اسطوره الكهف

بس في الاخر مسلسل ما وراء الطبيعه هيفضل مسلسل رعب مصري  قوي وعشان كده هيتعمل منه اجزاء كتيره جدا

لو عايز تفاصيل اكتر عن مسلسل ماوراء الطبيعة شوف الفيديو ده

اترك رد

لن يتم نشر عنوان بريدك الإلكتروني.