اخيرا الانتهاء من تصوير فيلم العنكبوت للاحمد السقا بالكامل

اخيرا تم الانتهاء من تصوير فيلم العنكبوت من ايام قليله  جدا بعد ماتوقف كتير جدا لاسباب كتيره منها انشغال ابطال الفيلم و كمان بسبب فيرس كورونا .

بالنسبة للقصة

فيلم العنكبوت هتدور احداثه في جو من الاثاره والتشويق والاكشن زي ما عودنا السقا في افلامه
وبيلعب السقا دور مجرم مشهور جدا بتكتب عنه الصحافه والمجلات واسمه العنكبوت وبيحاولوا يعرفوا مين دا خصوصآ ان اي عمليه بيعملها العنكبوت بيكون لابس ماسك و بدله سوداء .

وبيدخل السقا عالم الاجرام بسبب اخوه ظافر عابدين اللي بيرجع من بره وهو رجل اعمال كبير جدا وعنده مشاريع كتيره وبيدخل في صراعات كتيره مع اخوه السقا وبتكمل الاحداث في جو من الاكشن

فيلم العنكبوت من تاليف محمد ناير ومن اخراج احمد نادر جلال

اما عن ابطال فيلم العنكبوت

الفيلم من بطوله احمد السقا ومني زكي و ظافر العابدين و يسرا اللوزي و زكي فطين و اكرم الشرقاوي و احمد فؤاد سليم

كمان موجود فى الفيلم شيماء سيف و شيكو و احمد صلاح السعدني و محمد ممدوح وهيظهروا ضيوف شرف خلال احداث الفيلم

واتكلم الفنان ظافر العابدين في حوار صحفي مع برنامج et بالعربي وقال ان ميزانيه فيلم العنكبوت كبيره جدا
واتكلم عن دوره وقال انا بعمل دور شخص شرير جدا ومتشوق عشان اسمع رأى الناس علي الدور دا

واخر افلام السقا كانت في 2017 بفيلم هروب اضطراري وساعتها حقق نجاح كبير جدا

فيلم العنكبوت من المقرر طرحه في عيد الفطر 2021.

اترك رد

لن يتم نشر عنوان بريدك الإلكتروني.