اخر كلام مسلسل “رمضان كريم” الجزء الثاني خارج موسم رمضان 2021

اخيرا انتهي الجدل حول وجود الجزء الثاني من مسلسل رمضان كريم في مارثون رمضان 2021

واتكلم المخرج سامح عبد العزيز عن المسلسل 

وقال ان رسميا مسلسل رمضان كريم 2 مش هينزل رمضان اللي جاي

وقال كمان ان الجزء الثاني محتاج وقت كبير جداً جداً عشان يطلع بشكل كويس ويكون احسن من الجزء الاول

 

وطبعا مسلسل رمضان كريم لما اتعرض في موسم رمضان 2017 حقق نجاح كبير جدا بين الناس وساعتها كان من افضل المسلسلات اللي نزلت في رمضان 2017

 

وكان مسلسل رمضان كريم من بطوله روبي و شريف سلامه و سيد رجب والفنان الراحل محمود الجندي و صبري فواز و ريهام عبد الغفور و كريم عفيفي و محمد لطفي و نجلاء البدر

المسلسل من تأليف احمد عبد الله ومن اخراج سامح عبد العزيز

 

ومن المتوقع ان نفس طاقم العمل دا هيكون بردو موجود في الجزء الثاني ماعدا الفنان الراحل محمود الجندي اللي كان بيلعب دور الحاج كريم

وفي كلام أن اللي هيكون بديله في الجزء الثاني الفنان الكبير صلاح عبد الله

 

مسلسل رمضان كريم الجزء الثاني بنسبة كبيره هيكون موجود في موسم رمضان 2022 ان شاء الله.

اترك رد

لن يتم نشر عنوان بريدك الإلكتروني.