اعلن النجم محمد امام دخوله في موسم رمضان 2021 بمسلسل النمر بعد تغير اسمه من الملك للنمر بسبب تشابه الاسم مع مسلسل عمرو يوسف اللي هو كمان اسمه الملك .
مسلسل النمر بتدور أحداثه في إطار من التشويق والغموض وهيكون من تاليف محمد صلاح العزب ومن اخراج شيرين عادل .
وكدا دا هيكون تاني تعاون بين محمد امام و المولف محمد صلاح العزب والمخرجه شيرين عادل بعد مسلسل هوجان اللي حقق نجاح كبير جدا في رمضان 2019 .
اما عن ابطال مسلسل النمر فلحد دلوقتي انضم بس الفنانه هنا الزاهد ونرمين الفقي وخلال الايام الجايه هيتم انضمام باقي ابطال المسلسل .
حاليا المخرجه شيرين عادل بتعمل جلسات مع منتج المسلسل و محمد امام عشان يتم الاستقرار علي باقي ابطال المسلسل وكمان كل تفاصيل المسلسل من ناحيه اماكن التصوير
المسلسل هيبدأ تصويره في نصف شهر ديسمبر وهيتم عرضه علي قناه on