ابرزها وفاته بخطأ طبى … 10 معلومات واسرار ماتعرفهاش عن عبد الحليم حافظ

على الرغم من مرور عشرات السنوات على وفاة العندليب الاسمر عبد الحليم حافظ الا انه لسه لحد دلوقتى عايش فى قلوبنا و وكأنه بينا  .

 

اسرار وحكايات و حاجات كتير منعرفهاش عن حليم  مثلا عن حبه وزواجه و وفاته

 

عشان كدا هنعرض بعض الاسرار والمعلومات  ومنها  :

  

 – ان وفاة عبد الحليم حافظ كانت بسبب خطأ طبي بعد ماحصل خدش بالمنظار واللى كان بيتوصل لعلاجه وبعد ماحصل نزيف حاول الاطباء منعه بوضع بالون فى فمه بس وهو بيبلعه توفى .

– كمان كتير مننا ميعرفش ان فى صله قرابه قويه تربط كمال الشناوى بعبد الحليم حافظ لان اخو الشناوي هو زوج اخت  حليم .

 

– حليم متجوزش ابدا طول حياته وكان للاسف كل محاولتة للزواج بتفشل فى اللحظات الاخيرة ومنتشر جدا حكايه حبه للسندريلا سعاد حسنى بس مفيش اى دليل على انهم اتجوزوا .

– كمان عبد الحليم حافظ اجرى حوالى 61 عملية جراحيه فى حياتة 

تفاصيل اكتر شوف الفيديو

– البنت اللى انتحرت يوم وفاة حليم هى اميمه عبد الوهاب وكتبت رساله وداع وقالت  “سامحنى يارب مقدرتش اتحمل الصدمه دى “

-عبد الحليم قدم عدد اغانى كبير جدا وهى 230 اغنيه وكمان فى اغانى مطلعتش للنورموجوده مع اصدقاءه

– حليم زى مامثل فى افلام بصوته وصورته كمان ظهر فى 3 افلام بصوته بس وهما بائعة الخبز بعد الوداع، ، وأدهم الشرقاوي 

– معلومه غريبه جدا  على الرغم من العلاقه الكبيره بين حليم والرئيس جمال عبد الناصر الا ان الرئيس مكرمش حليم او حتى عالجه على نفقه الدوله زى ماحصل  مع

أم كلثوم وعبدالوهاب.

– كمان الملك الحسن ملك المغرب صديق عبد الحليم والمقرب منه جدا اهداه عربيه فاخره جدا بمفتاح دهب مكنش موجود زيها الا مع الرئيس السادات .

العربيه دى انقذت حليم لما كان فى اسكندريه وحصله نزيف مفاجئ وكان لازم يوصل للدكتور ياسين عبد الغفار فى اسرع وقت العربيه دى وصلته للهرم فى ساعتين

وربع وانقذت حياته .

 

تعرض العندليب لموقف صعب جدا فى المغرب سنه 1971 لما كان فى محاوله للانقلاب على الحكم واحتجز عبد الحليم فى الاذاعه وحاولوا انهم يخلوه يقرا بيان الانقلاب

الا ان حليم رفض بشده وحياته كانت معرضه لخطر شديد جدا

رحمة الله عليك ياحليم 

ِشاهد ايضا 

2 تعليقات
  1. سها يقول

    عبد الحليم حافظ نحنا بسورية منحبو كتييييير الله يرحمو واحساسو بالكلمة اللي بيغنيها شىء لايوصف وجمال عبد الناصر منعتبرو قائد فذ بس كان طائفي لذلك ماحبو لعبدالحليم

    1. يلا سينما يقول

      الله يرحمه ويغفرله واهلا بيك وبكل اهل سوريا الكرام

اترك رد

لن يتم نشر عنوان بريدك الإلكتروني.